拆解汽車全保賠償(全保)｜全保/三保大不同｜車保專家AWM
假日人多車多，交通繁忙；加上假期夜晚唔願訓，講真 Sunday Morning Drive (SMD) 期間都可能無乜精神⋯出去玩但求開心，有時駕駛者分心做錯一個判斷，不幸嘅意外就會發生。
樂極生悲固然已經好慘，若然意外牽涉多方責任，就會變成更難處理嘅麻煩事⋯若要向對方司機索償時，「三保」「全保」claim 起上嚟嘅步驟有咩唔同？汽車「全保」賠償嘅流程又係點？以下就同大家簡單講解。
假設對方係明顯做錯嘅司機，「責任全在對方」，兼且我有曬車 cam 片段作證，咁就有十足嘅理據，去追討對方司機去賠償維修費等等嘅開支。
呢筆維修費賠償，我知道佢係點都走唔甩，但係我份保險會唔會幫我盡快解決到個問題先？筆錢幾時會到手？有無邊個幫到我呀？
【「全保」「三保」保障大不同！三保要 Claim 對方時⋯原來咁麻煩！】
如果我買咗「三保」，當我要對方賠償時，係需要我自己一！手！一！腳！去做索償程序，包括理解保險條款細節、向警方提交證據、向保險公司申請索續手續、請律師釐清法律觀點等等⋯ 行政手續冗長，需時好耐，到最後筆賠償終於到手時，我相信你會喊…因為你完成咗一個偉大嘅旅程！因為憑一人之力追討賠償，絕對唔係一件易處理嘅事。但係有「全保」保障就唔同啦！全保係一種比三保保障範圍更大、更全面嘅汽車保險，除咗為第三者的人身及財物提供保障外，仲保障埋車主同汽車！汽車全保嘅保障同賠償範圍包括：
醫療支出
汽車損毀
擋風玻璃保障
拖車服務
買「全保」追賠償仲有以下好明顯嘅好處！
即時補償
保險公司會以最快速度批出賠償，先補償「全保」司機因意外而衍生嘅損失。減少麻煩
基本上可以交曬比保險公司專責部門幫你處理，唔洗獨自去刨熟艱澀嘅保險條文，包保有效過自己搞。降低追討成本
保險公司會幫忙處理律師費等事宜，降低索償成本以確保追討嘅賠償都可以盡量到手。保留 NCD（無索償折扣）
對方司機犯錯導致意外，引致我方車輛進行維修。「全保」司機一般可以保留 NCD，下年都可以享有遞增嘅無索償折扣。
【發生交通意外時點做好？索償程序係點？】
當不慎發生交通意外，第一件事係報警求助！如果想向你的汽車全保索取賠償，就要拍攝現場照片，記低車牌號碼、受傷人士電話號碼（包括乘客） 等資料、交通意外位置、財物損失等資料。然後聯絡保險經紀或保險公司以安排申請索賠程序。保險公司會先按車主自身汽車損毀實際情況作賠償，以便即時可以為汽車維修，唔需要苦等索償對方的結果兼長期無車揸。然後，係處理索償方面嘅事宜上，保險公司會行使代位權（Subrogation），即係以你嘅名義去向犯錯司機追討相關責任，追討嘅程序就可以放心等保險公司嘅指示。
如撞毀政府財物
如果係發生交通意外時損毀政府財物，政府有權向你追討損失！當確定損毀嘅範圍同需要維修嘅費用後，相關部門會向你發出付款通知書，要求賠償金額。唔同政府財物損毀嘅賠償金額都唔同。
【4個影響「全保」保費嘅因素】
車款或車價
車價或車款嘅價值越高，保費就會越高。
行車里數
如果你需要經常揸車，遇到交通意外嘅風險就會增加，保費自然會相應增加。
駕駛紀錄
如果你嘅駕駛紀錄前科累累，例如多次違例記分或造成交通意外等，保費就會更高。
工作性質
有啲職業，例如記者，需要經常使用車輛，發生意外嘅風險就會增加，保費亦會提高。
【降低保費嘅建議和策略】
保持良好駕駛紀錄
香港道路狹窄又多車，要特別注意安全駕駛。保持速度係規定限制內，有助於提高反應時間同降低發生事故嘅風險！
選擇合適嘅保險
在購買全保時，應該比較唔同保險公司嘅保險保障範圍，再根據自己嘅需求選擇合適嘅保險。唔應該淨係睇價格，因為汽車全保保費低，賠償涵蓋範圍就可能越窄，售後同索償服務質素都可能會差啲。
安裝行車記錄儀
安裝前後方行車記錄儀，可以記錄所有行車同泊車過程。當發生交通事故時，可以幫助判斷事故屬誰責任，減少爭議同保障自己。
【購買汽車全保前的須知和策略】
了解清楚保險條款同保障範圍。投保前最！緊！要！瞭解保險條款同保障範圍，確保適合自己先好投保。
確認車輛可獲得保險
買車齡較高嘅二手車前，先確定車輛可以受保再落決定，因為有機會因年份或其他因素而被保險公司拒保。另外，你亦應了解清楚你份汽車全保嘅賠償程序，當發生意外時就清楚知道應該點做。
注意使用車輛嘅用途
如果車輛用於不受保障嘅用途，保險公司不會對意外造成的任何損失作出賠償。
酒駕的後果
如果司機係酒精嘅影響下駕駛，而造成財物損毀或人身傷亡，保險公司在不影響其拒賠原則下，會先處理有關的索償訴訟，及後保險公司會向車主追回對第三者身體受傷所作之賠償，終究車主還是要為其負上法律責任，所以切勿酒後駕駛！
【FAQ】
Q：全保嘅賠償額等於投保額嗎？
A：汽車全保嘅賠償額並不等於投保額。處理賠償時，保險公司會委託獨立嘅公証行進行估價，並根據同型號、年份嘅汽車價格來決定賠償金額。所以最終嘅賠償金額可能會低過你嘅投保額。
Q：出事後應唔應該通知保險公司？
發生交通意外後，不論事故嘅嚴重程度，都應該通知保險公司。因為當對方提出索償或達成唔到和解，需要訴訟時，保險公司會承擔賠償，保障你嘅權益。
【全保好處多，麻煩少好多！】
買車保時，唔少人只考慮保費平，而忽略咗其他條款。「三保」固然平，但唔涵蓋嘅保障亦要細心留意。
如果想安心駕駛，同樣地，想免卻日後因道路意外而引起麻煩嘅話，全保嘅全面保障係你嘅首選！每年續車保時不妨留意多啲保單細節，睇清楚汽車全保嘅賠償程序，以及自己應有嘅權利，咁就可以盡情享受“SMD”嘅趣味！