有車就可以跨越最遙遠嘅距離｜屯門到將軍澳

「今晚去食宵啦，唔好嘥咗個假期。」

「好熱喎，Kenny係咪揸車先？無車我唔出㗎。」

「揸囉，你班麻煩友。」

大嗱嗱30幾度，如果無車嘅話，一班朋友就會從此決裂。人生大事之一，我相信包括考到車牌。出架私家車，話易唔易，尤其對一個有時間、有精力，但錢唔多嘅後生仔嚟講。如果你係朋友圈中率先考到牌兼第一個出車嘅話，更加係朋友圈中嘅大大大事。同一班朋友零晨玩完之後，無論佢地係住屯門定將軍澳，都辛苦晒車主你啦，因為你要車晒佢地返屋企，無得中途踢佢地落車。

做車主唔易？不過值！

每個Weekend遊車河嘅油錢、隧道錢；心愛嘅Playlist冒住比人飛歌嘅風險；比人指指點點駕駛技術同路線；全部都要身為車主嘅你忍受。

無計啦，因為佢地係你嘅豬朋狗友，少少苦楚換返嚟嘅相聚回憶，絕對有價值過車價，特別係呢個你唔知朋友幾時會走嘅日子。兜半晚風，簡簡單單，深夜浪漫。

成件事睇落係咪都好Chill先？至於點樣可以出到人生第一架車，只要你識玩、識慳，靠自己就能夠達成目標，擁有一份稱心嘅成人禮禮物。

慳錢貼士

車價、牌費就係Fixed cost，難搞。至於停車場費、車保等可以自己決定嘅範疇，建議先去格價。只要稍為留意養車資訊，慳埋慳埋，出車再唔會變成負擔。市面上有車保比較平台，幫你一鍵格價各間車保保費，買平定買貴咗？一眼就睇到，無得呃。唔好懶啦，㩒多兩個掣，Online搵專人幫手！